فقط على قناة السعودية الأولى...بنات ورقص وشات

على قناة السعودية الأولى
بنات ورقص وشات

ايام زمان قبل عشرين سنة تقريبا كان عندنا خرافة تقول ان التلفزيون السعودي اذا صك يعني قال تششششششششششش
يجيبون فلم والا اغنية والا ينقلون من قنوات دول مجاورة مثل الكويت والا البحرين وقطر طبعا هالكلام لاينطبق على اهل الشرقية
لان جميع القنوات كانت تاصلهم حتى ايران خاصة اذا زادت الرطوبة .

سبب هذه الخرافة اشاعة تقول انه اذا ناموا الملتزمين والشيبان تبدأ القناة الاولى ببث كل ماهو ممنوع بس اي يوم ماندري ؟؟
وتلقى الواحد اذا صار سهران يفتح التلفزيون لعل وعسى يطيح بشي .

المهم انه هالخرافة تقول ان القناة السعودية طبعا مافيها غيرها اول الا وهي القناة الاولى انهم راح يخربونها يوما ما .
لان التلفزيون السعودي كان ملك التقطيع واكبر دليل افتتاحات اي بطولة رياضية اتحدى واحد منكم شافها كاملة
نص ساعة صورة ثابتة للاستاد حق البطولة وعشر دقايق دخول الفرق المشاركة مبغوثه مع صورة الاستاد الثابتة .
حتى اذا بدأت البطولة وفيه مباراة وجت الكاميرا على الجمهور وفيه حرمة على طول تطلع صورة الاستاد الثابتة .

طبعا مانقول شيء جزاهم الله خير على حرصهم على عدم ظهور اي دشارة بس عاد يكون عندهم شيء من الاحترافية في التقطيع .
يعني يغيرون صورة الاستاد مثلا ويجيبون صورة كورة والا مناظر من عسير والا يريحوننا ولا ينقلون الافتتاح ===> امحق احترافية .

وكنا ايضا نتابع المسلسلات وخاصة المصرية بعد برنامج نشرة الاخبار الرئيسية ونحلل ام المسلسل في المتابعة
كل البيت كلهم متسدحين عند التلفزيون 21 بوصة والانتل علاقة الثياب .

وطبعا خلال برنامج نشرة الاخبار تبدأ الاستعدادات لمشاهدة المسلسل اللي يروح يجيب خبز ابو يمن 4 بريال للعشاء
ودايم في كل عائلة تلقى واحد متخصص بتصفية التلفزيون وضبط الالوان وياويله لو تبدأ المسلسل ماصفاه .
والا لو يمر واحد بثر ويطيح علاقة الثياب تسمع السب والشتم .

نرجع لموضوع القناة الاولى والتقطيع لو جاء مشهد مثلا تمثلية وجيده وسامح التمثلية الصعيدية
وجت وجيدة مقربه لسامح همن يقطعونها السعوديةفجأة .. كلنا كمتابعين بصوت واحد نقول ..

توقعوا وش نقول ؟؟

نقول : حبها اي بوسها اي قبلها

عموما بعد هالديباجة والمقدمة الطويلة نجي للجد ....

الجد والواقع ان هالخرافة تحققت وفي هذا العيد اعتقد ثاني ايام العيد حسب رواية الشهود
واثناء عرض برنامج مسابقات اللي يقدمه يوسف الجراح قامت وزارة القناة الاولى بقطع البرنامج والانتقال الى ...

طبعا عادي سياسة القطع والانتقال لدينا .

هل الانتقال الى رحاب الله الطاهرة ؟؟؟......لالالالالا خطأ
طيب هل الانتقال الى ملعب رعاية الشباب بالملز؟؟ ...... لا ابدا ماحصلش !!!
اوكي شكلها الانتقال عبرالقناة الثانية لمتابعة ماتبقى من البرنامج ....امبوسبول لا لان فهد الشايع استقال مادري مفصول .

القناة الاولى خربوها ... هوه هوه.... من جد خربوها ....هوه هوه

انتقلوا الى قناة غنوة
رقص وغناء وشريط تشات ياحلاوة ..ام الدشارة

السؤال اللي يدربي نفسه ؟؟

هل كان هذا خطأ أو مقصوده

ولو كان خطأ ليه بالذات قناة غنوة معناتها القناة الاولى مركبين دشليه ما أخطاوا بالسودان والا ارتيريا قصدي قناة عصابة ارتيريا ==>انواع لطش افلام الدي في دي الامريكية

لو كان مقصوده هالحركة وش الهدف؟ وليه بهالزمن ؟ اللي تعج البيوت بالدشوش .

ليه ماأخطاوا يوم حنا نقول قطعوه حبها ..والا يوم حنا ننتظر الخرافة تتحقق بعد منتصف الليول .
ليه ما أخطأوا ايام الجفاف والمشق يوم كان ما عندنا الا قناة وحدة
وكلها انتقالات وتقطيع وفلم كرتون بوزو وطقته .

أخيرا ...
اللي سوى هالحركة سواء اخطأ أو لم يخطي انسان مريض.

شكرا

--
Abo Tamim

لا حول ولا قوة الا بالله

شر البلية ما يضحك

هههههههههههههههه

f44

يعطيك العافيه يا حزين

دمت بخير

:ي7:

الله يرحم

انا اعتقد مافي احد على وجه الارض يتابع حاليا السعوديه

اقل واردى مستوى في الاخراج وفي البرامج وعلى مسؤليتي هالكلام

بلاقناة بلاهم

واضيف انو فيه استطلاع ايهم يمثل السعودية
قناة المجد ام القناة الاولى وبالطبع وقع الاختيار والاغلبيه لقناة المجد فعلا تسمى قناة

مو اجيب مسلسلات من يوم حفروا البحر ولا ازيدكم من الشعر بيتين يجيبون مسلسلات في القناة ال2ثانيه ويدبلجونها

شوفوها وراح تعرفون الضحك على اصوله

مالنا شغل