قصه الاب مع ابنائه

القصه كلها عبر وفوايد وهي عن العاقيين والظالمين لأبويهم والعياذ بالله:-

وهذي قصة رجل وله ثلاث عيال ماتت امهم وهم صغار وعيا الاب يتزوج

ثانيه خائف على عياله من المره الثانيه تعذبهم وتشقيهم و المهم

الرجال رباهم وتعب عليهم وكان يطلع من الصبح ولا يرجع الى بالليل

ونوبات يتاخر كله هذا على شأن يوفر لهم الاكل وكان كل ماطلع

خلاهم عند جاره يلعبون مع عياله وواذا جاء من المقناص سوالهم

العشى وعشاهم وكان ما يتعشى الا اذا شبعوا عياله وياكل من بقايا

اكلهم.

ودار الزمن وكبروا العيال وزوجهم ابوهم وشاب الاب الطيب ولا عاد يقدر

على القومه والطلعه الا بالمساعده المهم قامن حريم عياله يتشكن منه

لا زواجهن الين اجتمعوا العيال وكل يقول للثاني خله عندك حتى اجتمعوا

على راي واحد انهم يطردونه الاب مالقا غير جاره وعياله الاولين الطيبين

ورعوه وكرموه وطيبوا مكانه كأنهم عياله وقال الاب القصيده المذكوره

ودعوته المشهوره فيها المهم عياله ماتوا كلهم ولا واحد منهم خلف له

ولدوانقطع ذكرهم ونسلهم فحسبي الله عليهم ناكرين الجميل

والمعروف والعشره وعاقين الوالدين .

وهذه القصيده:-

قـال الـذي يقـرا بلـيـا مكاتـيـب
ياللـي تقـرون العمـى مـن عناكـم

يا عيالي اللـي تشرفـون المراقيـب
تريضوا لي واقصـروا مـن خطاكـم

خـذو كـلام الصـدق مابـه تكاذيـب
مثـل السنـد مضمـوم للـي وراكـم

يا عيال لا صرتوا ضيـوف ومعازيـب
تـرى الكـلام الزيـن ملحـة قراكـم

وتروا السبابه مـن كبـار العذاريـب
وهـرج البلايـس مـا يطـول لحاكـم

المذهب الطيب فهـو مذهـب الطيـب
والمذهـب الخايـب يبـور نسـاكـم

يـا عيـال مـا سرحتكـم باللواهيـب
يا عيـال مـا عمـر المعـزب ولاكـم

يامـا توليـت القبايـل تقـل ذيــب
من خوف لا ينقـص عليكـم عشاكـم

وياما شريت السمن من عرض ما جيب
يفزقلـبـي يــوم يبـكـي حـداكـم

وياما قطعت مـن الفيافـي العباعيـب
نـدور مـن صيـد البـراري غذاكـم

يا عيال دوكـم لحيتـي كلهـا شيـب
هـذا زمـان قعودنـا فــي ذراكــم

قمـت اتوكـا عــوج المصالـيـب
قصرت خطانـا يـوم طالـت خطاكـم

عطونـي القرضـه عليكـم مطاليـب
عطوني القرضة جـزى مـن جزاكـم

لابـد يـوم عـاوي دونـي الـذيـب
بالقبر ما افـرق طيبكـم مـن رداكـم

مانـي بفاضحكـم بوسـط الاجانيـب
بـا عمالكـم يـدرون كـل اقربـاكـم

لو كـان تـدرون الـردي والمعاييـب
صرتوا مـع المخلـوق مثـل خوياكـم

خوالكـم بالطيـب تـروي المغاليـب
ولـو تتبعـون الجـد محـد شنـاكـم

وش علمكـم يـا تاركيـن المواجيـب
حسبي عليكـم هالـردى ويـن جاكـم

يالله عسى اعماركـم شمسهـا تغيـب
يعتـم قمركـم ثـم تظـلـم سمـاكـم

يـا علكـم فـي حاميـات اللواهيـب
ياللـي علـى الوالـد خبيـث لغاكـم

شفت الجفا والحيف والغلـب والريـب
بضلوعـكـم لا بـيـض الله قـراكـم

اطلب عسى نساكم ما تحمل ولا تجيـب
ولا احد من الوغـدان يمشـي وراكـم

اخسوا خسيتـوا يـا كبـار اللغابيـب
اهبـوا هبيتـوا يقـطـع الله نمـاكـم

قصه حقيقيه واتمنى ان تنال اعجابكم

لاحول ولا قوة الا بالله

اللهم اعننا على بر والدينا

تسلم تايه على القصه

wageh_011

هلا حياه منوره

اااااامين